METRO MANILA – Ginpahayag han Department of Energy nga padayon an pakikipag-sumpayan han gobyerno para masigurado an “safe passage” han mga Pilipino nga mandaragat, mga barko, ngan mga kargamento ha butnga han tensyon ha Middle East.
Sumala kan Energy Sec. Sharon Garin, gintutudlok na han Department of Foreign Affairs an lokasyon han mga Pilipino nga nagpapabilin ha mga barko ha mao nga rehiyon agud masigurado an ira katalwasan.
Bisan man dire direkta nga nag-aangkat an Pilipinas han lana tikang ha Middle East mahitungod nakuha an nasud ha South Korea ngan Japan in apektado la gihapon an suplay mahitungod an mga nasabi nga bansa in didto gihapon nagtitikang an ira krudo.
Mahitungod hini in ginkansela na han Petron an mga order hini tikang ha Middle East ngan nagbiling hin iba nga makukuhaan sugad han Russia agud dire madelatar an serbisyo han nag-uusahan nga refinery ha nasud.
Kumo kaparte han risk management ngan diversification in nakabiling na gihapon an Pilipinas hin mga bag-o nga source han enerhiya tikang ha India, Canada, ngan Argentina pati na gihapon para ha suplay han LPG.
