Ginpakusog nira Presidente Ferdinand Marcos Jr ngan anay Japanese Prime Minister Fumio Kishida an pagbibinuligay han Pilipinas ngan Japan agud siguraduhon an marig-on ngan suprisyente nga suplay han enerhiya ha nasud ngan ha bug-os nga Asya.
Ha ira pagharampang ha Tokyo, ginhingadayan an mga pitad agud mapahilaug pa an renewable energy, maproteheran an suplay han kuryente ngan lana, ngan mapadagmit an paggamit han mas malimpyo nga teknolohiya ha enerhiya.
Kaupod hini an POWER Asia initiative han Japan nga mayda pondo nga $10 billion o sobra P560 bilyon agud suportahan an mga nasud Asyano ha pag-atubang ha krisis ha enerhiya.
Target han programa nga pakusgon an burutangan han enerhiya, pahiluagon an makukuhaan hin suplay, ngan magsulod hin mga bag-o nga pamumuhunan para ha mas episyente nga paggamit han enerhiya.
Sumala kan Presidente Marcos, importante an pakikigbinuligay ha Japan agud masigurado an padayon ngan mas malalauman nga enerhiya samtang iginduduso an mas malimpyo nga pagkukuhaan han kuryente.
