TACLOBAN CITY– Nagtikang na an buhatan hiton PDEA-8, han ira monitoring ha mga baligyaan hiton Vape shops, agud nga mapanginano an gin-aalegar nga himangrawonnga nga panhahalo hiton magic mushrooms ha mga vape products.
Sumala kan Rogellete Urgel, Information Officer han PDEA-8, nga hapagkyana mayda gin-aalegar kasumpay ha paghahalo hiton magic mushrooms o psilocybin, ngan cannabis o marijuana ha vape products nga ginbabaligya ha publiko.
Dugang pa ni Urgel, magin mahirot adton mga nagamit hin vape, matungod nga waray ine maupay nga epekto ha panlawas, ilabi na kun mayda kalakip han mga ilegal substance.
Ginsigurado naman han nasabi nga opisyal nga padayon an ira ginhihimo nga panginano han ira buhatan kasumpay ha nasabi nga isyu.
Nagpahimatngon naman ine labi na adton nga nagamit nga kabataan, nga dire abusaran an ira panlawas, matungod nga ada ha urhi an pagbasol.
