TACLOBAN CITY – Porlominos 20 nga mga parag-uma an nagburuyuboy pakadto ha buhatan han Philippine Crop Authority (PCA) agud nga magpakita hin Suporta para han Kontrobersyal nga PCA Administrator nga hi Billy Andal.
Manunumduman nga dida han Bulan han Marso han suspendihon han Board of Directors ha panguna ni Cabinet Secretary Leoncio Evasco Jr. mahitungod han gin-aaligar nga mga irregularidad ha Pangutod han mga Kakahuyan ngan sugad man Transport Permits.
Usa ha mga nagsuporta nga grupo nga mga parag-uma in amo an Tolosa Farmers Association.
Sumala kan Nestor Abalos han Tolosa Farmers Association nga magpapabilin an ira pagsuporta kan Andal mahitungod han matinud-anon hini nga serbisyo ngan mga programa nga guinpapaabot ha mga parag-uma hin kalubihan kun diin guintutuhan naman hini nga waray nabuhat nga anomaliya an mao nga opisyal.
Sumala pa kan Abalos nga ha tanan nga mga naging Administrator han PCA in hi Andal dawla an ira dagmit nga madaopan.
Pamatian ta an pamahayag han pira nga mga parag-uma:
Nabaruan nga tikang han matudlok ni Pangulong Rodrigo Duterte nga Administrator hi Andal in kadungan liwat han pagrayhak han pira nga mga parag-uma mahitungod han daw maupay nga pagtagad han mga ini.
Guinduon ni Philippine Coconut Authority (PCA) Administrator Billy Andal nga waray kamatuuran an mga guinbabatak nga alegasyon ala kontra ha iya mahitungod nga waray ini umagi ha sadang nga imbestigasyon.
Ini an ginpahayag han mao nga opisyal ha iya pagbisita ha rehiyon durante han natabo nga Board Meeting Deliberation kakulop ngan sugad man han iya pagbisita ha mga parag-uma ha Sta.Fe, Alang-alang ngan damo pa nga iba.
Dugang pa ni Andal nga guindabi la an ngaran hini ha guinbabatak nga anomaliya mahitungod nga ugsa pa ini nga lumingkod ha pwesto, in may kapareho ini nga nagngangaran hin Billy nga amo unta an guinlalauman ha namumutangan hini nga posisyon.
An parte han pamahayag han suspendido nga Philippine Coconut Authority (PCA) Administrator Billy Andal
Kampante naman hi Andal nga waray makusog nga ebidensya an akusasyon nga ginbabatak ala kontra ha iya.
Sumala pa hini nga mayda daw pipira nga nagkakainteres han iya posisyon rasun nga maghimo daw hin mga isyu ala kontra ha iya.
Mapasalamataon naman hi Andal, nga gawas han mga nagruruba han iya ngaran, in damo la guihapon an natapod ha iya nga mga parag-uma.
Nabaruan nga hi Andal in nasuspendir dida han Marso 15 mahitungod han anomaliya ha PCA kalakip na an daw Extortion activities hini ngan irregularidad ha Permit ngan pangutod han Lubi.
Nakatalaan naman ini nga bumalik yana nga Hunyo 15 tikang han iya 90 ka adlaw nga Suspensyon.
