Utro nga gintagan-duon ni House Deputy Speaker Janet Garin nga dire ordinaryo nga istoryahon ha salapi, kundi kinabuhi han tawo, an rason kun kay-ano ginsuspendi an deliberasyon han panukala nga pondo han Department of Information and Communications Technology (DICT).
Sumala kan Garin, sakop han responsibilidad han DCIT an pagbabantay ha mga social media platform nga nagigin dalan agud mahibutang ha kadelikaduhan an mga Pilipino, labi na ha mga lending scam, sanglit nalulunod hira ha utang ngan kun danai in nagreresulta pa hin pag-aawat hin kinabuhi.
Labot pa hini, sakop gihapon han DICT an pagpugong o pag-take down han mga impormasyon, litrato, ngan video nga nakaka-impluwensya ha paghimo han karahasan han kabataan, sugad nala han insidente hanpamusil ngan pamatay ha sulod han iskuylahan.
Sugadman, nakukulangan daw an pira nga magbabalaod ha kaisog o ngipon han DICT, kun diin an opisina han Facebook ha nasud in para ha marketiong o para la kumita hin waray kaupod nga accountability o pagbaton, sanglit kinahanglan pa igdaop ha opisina han Facebook ha Singapore an mga concern han nakakabaraka nga content ugsa matake-down.
