-- Advertisements --
Sumaka ha bag-o nga rekord nga 107,677 an ihap han mga indibidwal nga may edad 100 pa-igbaw ha Japan yana nga tuig, sumala ha Ministry of Health, Labour and Welfare.
Ini an ika-56 nga sunod-sunod nga tuig han paghitaas ha ihap han mga centenarian ha nasud, kun diin haros 88 porsyento ha ira in mga kababayin-an.
Ginparayaw han gobyerno an hilaba nga kinabuhi han ira residente nga nagdudurot hin pag-ursa ha medikasyon, masustansya nga pagkaon, ngan aktibo nga panginabuhi.
Ha luyo hini, padayon an grabe nga krisis ha demograpiya han Japan tungod han madagmit nga pagkalagas han populasyon kasunod han paglaprak han birth rate ha pinakahamubo nga lebel.
