-- Advertisements --
Nakab-ot han Pilipinas an syahan nga medalya ha 2026 Asian Games mahuman magdaog hin bronze an women’s team ha soft tennis. Ginkokomponer an koponan nira Hillary Paas, Princess Catindig, Noelle Mañalac, Christy Sanosa, ngan Shyryn Salazar.
Samtang, pakyas hira makaabante ha final round mahuman maperdi ha host country nga Japan ha semifinals ha iskor nga 0-2.
Ha luyo han kaperdihan, nagin makasaysayan ini nga kalampusan para ha nasud komo syahan nga medalya ha edisyon han 2026 Asian Games nga gindudumara ha Aichi-Nagoya, Japan.
Ha presente nga medal tally aada ha ika-22 nga puwesto an Pilipinas.
