NATIONAL NEWS – Nagpatapod hi Pangulong Ferdinand R. Marcos Jr. hin mas madig-on nga suporta han gobyerno ha mga proyekto han renewable energy ngan clean technology ha iya pagbisita ha NING*NING 6.55-Megawatt Peak Solar Rooftop Power Facility ha Pasinaya Homes, Naic, Cavite an syahan nga grid-connected, utility-scale solar rooftop project ha usa nga socialized housing community ha bug-os nga kalibutan.
Ada naman ha 1,986 nga panimalay an makaka-tagamtam ha rooftop solar panels nga kolektibo nga naghihimo hin malimpyo nga kuryente.
Subay ha Pangulo, labot ha paghahatag hin solar power naghahatag gihapon an proyekto hin kuhida para suportahan an mga serbisyo han komunidad sugad hiton pag-ayad hiton atop, suga, karsada, waste management, shared solar facilities, ngan training programs.
Ginatagan duon han Pangulo nga nakakabulig an proyekto dire la ha komunidad magin ha national grid, nga dire nasasakripisyo an mga umahanan ngan pakabuhi han indibidwal.
Ginbabana-bana naman nga makaka-iba ine hin sobra 6,233 metric tons nga carbon emissions kada tuig kabalyo han pagtanggal han halos 1,000 nga sarakyan ha karsada.
Nanawagan naman hi Pangulong Marcos hin mas haluag nga kooperasyon ha sektor, ngan mga komunidad agud nga mapahaluag an paggamit han renewable energy ha hulga hiton climate change.
