-- Advertisements --
TACLOBAN CITY – Pormal na nga nagin balaod an Republic Act 11997 o ang Kabalikat sa Pagtuturo Act mahuman nga pirmahan ine ni Presidente Ferdinand Marcos Jr.
Ha ilarom han Kabalikat sa Pagtuturo Act, hihimuon na nga P10,000 kada tuig an teaching allowance han mga magturutdo ha mga pampubliko nga iskuylahan.
An nasabi nga allowance in pan palit hin mga gamit, materyales, ngan mga gastuson han mga magturutdo ha ira pagtutdo.
Umatender ha signing ceremony ha palasyo han Malakanyang hira DepEd Secretary Sara Duterte, Senate President Chiz Escudero, Speaker Martin Romualdez ngan ACTS-Teachers Partylist Rep. France Castro nga amu an nagsurat han nasabi nga balaudnon.
Ha School Year 2025-2026 magigin epektibo an nasabi nga balaod.
