NATIONAL- Kasumpay han padayon nga imbestigasyon han presente nga administrasyon ni Pangulong Ferdinand Marcos Jr. Kasumpay ha mga report han anomalya ngan iregularidad ha mga proyekto han gobyerno ha flood control, naghatag hin direktiba an Pangulo para haluag nga imbestigasyon.
An direktiba ni Pangulong Marcos in magdumara hin “lifestyle check” ha tanan nga opisyal ngan empleyado hiton gobyerno tikang ha pinakahitaas kutob ha pinakahamubo nga posisyon.
Ine in ginkumpirma ni Palace Press Officer Usec. Claire Castro.
Kaparte ine han haluag nga paningkamot nga masigurado an integridad ngan accountability ha sulod han gobyerno agud nga mabaton an mga alegasyon han korapsyon.
An lifestyle check in usa nga proseso han pag-verify hiton mga ari-arian, kita, ngan pagkinabuhi hiton usa nga opisyal han gobyerno agud nga mahibaruan kun ine in nasusubay ha ira deklarasyon han ari-arian, responsibilidad ngan net worth.
