TACLOBAN CITY – Nakit-an an usa nga patay nga lawas hin lalaki ha salog hiton Alangalang, Leyte.
Sumala kan PCapt. Joshua Bien M. Chiquillo, Acting Chief of Police han Alangalang Municipal Police Station, usa nga residente han Brgy. Cavite Alangalang, Leyte an nakakita han lawas hine nga naglulutaw-lutaw daw ha salog hiton ira Barangay.
Ginkilala an biktima kan Francis Jay Sancajo, 22 anyos an pangidaron, ngan residente han Brgy. Cavite Alangalang, Leyte.
Subay han inisyal nga imbestigasyon han kapulisan in mayda daw nakit-an nga samad ha ulo han biktima sanglit gintutuuhan nga nabagok daw an ulo hine rason han daw pagkalumos.
Waray naman daw nakit-an nga foul play han panhitabo kay subay han kapulisan naghulat daw hira hin report tikang ha SOCO pero waray daw may umabot.
