TACLOBAN CITY — Samaran an usa nga parag-uma mahuman nga atakihon hin usa nga unggoy ha Barangay Olog, Maripipi, Biliran.
Nakilala an biktima kan Jeffrey Rosario, 34 anyos an pangidaron ngan residente han mao nga barangay.
Sumala kan PLt. Junriel Rosario, Officer in charge han Maripipi, Biliran MPS, nga kumadto an biktima ha iya umhanan para mag harvest hin balanghoy han maobserbaran niya nga may unggoy nga nakasulod ha hawla ngan han iya ini unta bubuhi-an in tigda nala hiya nga ginpangangagat ha kamot.
Waray pa kakuntento an mao nga unggoy ngan ginkuha an garab han biktima ngan ginlanggutan ini.
Nakipagdulong anay an biktima ha unggoy ugsa naman hini maagaw an iya garab ngan ginlanggutan an mao nga hayop hasta nga ini in mamatay.
Nag-angkon naman hin damo nga samad ha magkadurudilain nga parte han iya lawas an biktima nga dayon nadara ha ospital ngan yana in ada na ha talwas nga kondisyon.
