NATIONAL – Ginpapa-imbestigaran han Kamara ha mga nahintutuinan nga ahensya han gobyerno an nagin papel nira anay Presidente Rodrigo, Vice President Sara Duterte, ngan Sen. Ronald “Bato” dela Rosa ha pagtatago ni Kingdom of Jesus Christ (KOJC) founder Pastor Apollo Quiboloy.
Sumala kan Manila Rep. Joel Chua, an anay Presidente an natindog yana nga administradror han KOJC compound kun diin nadakop hi Quiboloy.
Ginmalatumat gihapon ni Chua nga nagkamay-ada hin pahayag ni VP Sara nga waray na ha KOJC compound hi Quiboloy kun diin posible daw nga gintuyo pagyakna para makapan-uwat.
Ginduon pa hine nga kinahanglan daw in nabulig an ngatanan para madakop an mga wanted ha balaod.
Hi Quiboloy in naaatubang ha kaso nga child abuse, sexual abuse, ngan qualified trafficking labot pa ha mga kaso nga ginkakaatubang hine ha Estados Unidos.
Samtang, igin suhestyon gihapon ni House Assistant Majority Leader Jil Bongalon nga kinahanglan gihapon imbestigaran o kasuhan ni Senator Ronald “Bato” dela Rosa hin obstruction of justice mahitungod ha pag-divert ha atensyon han mga kapulisan ha pagseserbi han warrant of arrest kontra kan Quiboloy.
