NATIONAL – Sumaka na ha 74 nga mga kandidato tikang han magkadurudilain nga mga posisyon an ginpapagbaton yana han Commission on Election mahitungod ha alegasyon han panmamalit hin botos.
An dokumento nga ginpirmahan ni Committee on Kontra Bigay had Teopisto Elnas Jr nga mayda 19 nga lokal nga kandidato nga dabi ha vote buying ngan abuse of state resources (ASR).
Nanguna ha ginpapagbaton an mag-asawa nga hira Marikina Rep.Stella Quimbo nga dumalagan nga mayor ngan dabi ha vote-buying ngan ASR samtang an asawa hini nga hi sanay Rep. Romeo Quimbo nga dumalagan yana kumo 2nd Dist. Rep. han Marikina in ginpapagbaton ha vote-buying.
Kaupod gihapon nga ginpapagbaton hi Manila Mayor Honey Lacuna-Pangan kun diin gindiwara hini an akusasyon ngan adam hiya nga batunon an alegasyon ha COMELEC.
Pira ha mga ginpapagbaton matungod ha alegasyon hiton vote-buying in hira: Denver Christopher Chua nga nadalagan kumo Mayor han Cavite City, Marvin Venus han Baras, Rizal; Ruben Talon, Butch Suspeñe, ngan Zake Derequito han Dumangas, Iloilo; Cagayan province gubernatorial kandidate Zarah Rose Lara; Allan Martines de Leon ngan Kristofer Charles Esguerra han Taytay, Rizal; Mauban, Quezon mayoral candidate Erwin Pastrana; Rhapsody Miguel Riveral han Cuartero, Capiz; Winfred Rivera han Kamalayan Party-list; Jeren Jude Bacas ngan Rolen Paulino Jr., han Olongapo City; Danilo Fernandez han Laguna province ngan Romulo Avila, nga dumalagan kumo vice mayor han Quezon Province.
