TACLOBAN CITY – Ginpahayag han Department of Health (DOH) Regional Office 8 nga may mga natudlok an ira buhatan nga panibag-o nga mga hotspot areas ha rehiyon nga may clustering of cases han COVID-19.
Sumala kan Dr. Ludina Insigne, Medical Officer han DOH-8 Surveillance Unit, pira ha mga barangay ha bungto ha rehiyon an nagkaada hin clustering of cases han mao nga virus.
An pagkakaada hin clustering of cases in nangangaruyag signgon naman nga tulo o mas hitaas pa nga ihap han kaso an naitala nga new cases ha partikular nga barangay.
Ha probinsya han Samar nahipatik an clustering of cases ha Brgy. Salay han bungto han Paranas, Brgy. Minda ngan Burabod II naman ha Gandara ngan Brgy. Rawis ngan Dagum ha Calbayog City.
Natudlok gihapon an new cases ha probinsya han Leyte partikular na ha Brgy. Problacion District II han Burauen, Brgy. Pago ha Tanauan, Maslug ha Baybay ngan San Vicente ha Matag-ob.
Samtang ha Southern Leyte naman nagkaada hin clustering of cases ha Brgy. Ambacon ha Hinunangan.
Kaupod gihapon han listahan han DOH han mga barangay nga may clustering of cases han COVID-19 an Brgy. Poblacion 8 ha Lawaan ngan Brgy. Poblacion 6 ha Balangiga, Eastern Samar, ngan Brgy. 6 naman ha Catubig, Northern.
Ha mga syudad naman ha rehiyon, naitala an clustering of cases ha Brgy. 109-A ngan Brgy. 92 Apitong han Tacloban City ngan Brgy. Alta Vista ngan San Pablo ha Ormoc.
