NATIONAL – “Wala akong bilib,” ine an nagin diretso nga pahayag ni anay presidential spokesperson Salvador Panelo ha Duterte Youth Partylist mahuman nagin interview haiya, ngan ginpahayag an pagsuporta ha Commission on Elections (COMELEC) kasumpay ha pagkansela ha registration han grupo.
Dugang pa ni Panelo, gingagamit la daw han grupo an ngaran ni anay Presidente Rodrigo Duterte ngan ginmalatumat nga puros mga dire maupay an rekord han mga ine.
Gin puna gihapon hine an kontrobersyal nga history han Duterte Youth, labi na an mga kwestyunable nga nominasyon, ngan ginpahayag nga damo an pagtalapas hine tikang pa ha katikangan, kaupod na an dire pagkakatugma han mga nominado ha pagigin kabataan.
Pabor gihapon ine nga tanggalon an nasabi nga party-list, nga natudlok kan Ronald Cardema, nga syahan nga nagin nominee han grupo pero na-disqualify mahitungod ha pagigin sobra ha edad kumo youth representative.
Ha kaluyo nga bahin, waray na gihapon igkapausa han anay spokesperson ngan ginpahayag nga mayda supresyente nga basaranan para tanggalon an nasabi nga grupo.
Manunumduman nga ginpawaray-bisan han COMELEC an registration han Duterte Youth Party-list, mahuman nga maresolba an usa nga ksao dida han 2019 kasumpay ha pagigin opisyal nga party-list group.
