TACLOBAN CITY– Siringabuton hiton mga negosyante han syudad, an higayon ilabi na nga tipagpapatron hiton syudad.
Sumala kan Hon. Colai Go, Information Officer han Tacloban Fil-Chinese Chamber of Commerce, Inc./ Brgy. Chairman hiton Brgy. 41 Tacloban, nga kun susumahon in maupay man yana an dalan hiton panegosyuhan dara na gihapon hiton pagdamo han mga tawo nga nasinganhi ha Tacloban.
Nagsuhestyon naman ine nga mas makakabulig ngan mas makakag-aghat pa ine hin damo nga mga cotumer kun mag kukuha pa iton syudad hin mga banda nga magtutukar kada gab-i, matungod nga an mga sugad nga senaryo in gindudumog hiton mga magkirita.
Ginmalatumat naman hine, nga madepende naman an kasurong hiton panegosyuhan ilabi na ha pagtatamak hiton gab-i, kun diin nagigin masurong ngan damo iton costumer ha Sangyawan grounds Leyte Park.
Ha pagbana-bana hine ha pankabug-usan, maupay iton dalagan han panegosyuhan hiton syudad yana nga tikaharani na an kapatrunan han Sr. Sto. Niño de Tacloban.
