-- Advertisements --
NATIONAL NEWS– Ginkontra han Malakanyang an nagin pahayag ni Vice President Sara Duterte nga pamumulitika an nagin direktiba ni Pangulong Ferdinand Marcos Jr. nga imbestigaran an kontrobersiya nga ginkakadabihan hiton PrimeWaters nga gintatag-iyahan hiton mga Villar.
Sumala kan Palace Press Officer USec. Claire Castro, waray kamatuoran an banat han Bise Presidente matungod nga an mga customers na han nasabi nga water service provider an nagrereklamo matungod ha dire maupay nga serbisyo.
Gindig-unan pa ni Castro nga ginlalauman na nira an mga sugad nga banat hiton Bise, ngan dire na hira naglalaom nga mayda ine igpapahayag nga igkakaupay ngan pabor ha Pangulong Marcos ngan han presente nga administrasyon.
