TACLOBAN CITY – Nagtutuo an mga kasundaluhan nga maikokonsidera nga usa nga dako nga kapirdihan para ha mga New People’s Army (NPA) an ira pakyas nga pan-aatake ha Victoria Municipal Police Station mahuman nga madepensahan ini han mga otoridad.
Sumala kan Major Gen. Raul Farnacio, Commanding General han 8th Infantry Division, imbes nga magselebrar an mga NPA han ira anniversary han nakalabay nga semana in naging dako lugod ini nga kawarayan ngan kapakyasan ha ira para maipakita an ira kusog ngan pagkontra ha gobyerno.
Dugang pa hini nga pira ha mga rason han pakyas nga pan-atake han NPA in mahitungod nga san-o pa man ini in nagkaada na hin security inspections an mga militar ha mga vital installations ngan ginpag-andaman ini han ira tropa asya nga dayon ini nga nakaresponde ngan nagreinforce ha mao nga istasyon ha Victoria, Northern Samar.
Labot la hini in usa gihapon nga daguk ha rebelde nga grupo an pagsurender han usa nira nga hitaas nga opisyales kun diin mayda gihapon ginsurender nga mga armas.
VC 1 FARNACIO APR 6 <<<<<<<<<<<<
An kaparte han pamahayag ni Major Gen. Raul Farnacio, Commanding General han 8th Infantry Division
Iginkakalipay gihapon han mga kasundaluhan an ira nakikita nga maupay nga epekto han programa han gobyerno nga Enhanced Comprehensive Local Integration Program (E-CLIP) kun diin ha pagkayana in nagtitikadamo an mga rebelde nga nasurrender ha gobyerno.
