TACLOBAN CITY- Patay an usa nga pahenante mahuman nga panmumusilon ha Brgy. Lokilokon, Paranas, Samar.
Ginkilala an biktima kan Roberto Tiongco Jr. Macopia, 35 -anyos , may asawa ngan residente han Brgy. 1 Salug, Catbalogan City, Samar.
Samtang an mga kaupod naman han biktima in hira :
Fernando F. Tundag, 38 -anyos , inasawa-an ngan residente han Brgy. Sto.Nino, Capoocan, Leyte
: Roger Oteda y Pepito, 29 anyos, may asawa, usa nga helper ngan residente han Brgy. Cagbuhangin, Ormoc City.
: Jovel Cinco Badion, 27- anyos, inasaw-an , middleman, ngan residente han Brgy. Alang-alang Leyte.
Sumala kan PLt. Aileen Velarde, Information Officer han Samar Police Provincial Office (SPPO), nga subay ha ira imbestigasyon nagawas nga sakay an mga ini han ira Utility Vehicle nga tikang naman ha Oras Eastern, Samar ngan pabalik na ha Jaro, Leyte.
Mababaruan nga samtang biyahe an mga biktima ha National Road han Paranas Samar, in tigda nala hira ginbalabgan han usa nga vehicular, rason nga ig-undang han mga pahenante an ira ginmamanehuan nga sarakyan.
An nagin pamahayag ni PLt. Aileen Velarde, Information Officer han Samar Police Provincial Office (SPPO)
Dugang pa han mao nga opisyal nga ginpalusad anay an tanan nga biktima ngan ginpapanhapa anay an mga ini ha karsada ugsa nga panmumusilon hi Roberto Tiongco Jr. Macopia, ha magkadurudilain nga parte han iya lawas rason nga dayon ini nga naawatan hin kinabuhi.
Subay pa hiton imbestigasyon nga may nakuha ha crime scene nga 4 ka basyo han bala han pusil ngan gin-papag-adman pa han mga otoridad kun anu nga klase hin pusil an gingamit ha mao nga insidente.
Hapagkayana in padayon pa an gindudumara nga hot pursuit operation han mga otoridad agud nga mapagbaton an mga nagpapaluyo ha mao nga panmumusil.
