TACLOBAN CITY – Ginkokonsidera nga “iwas pusoy” han usa nga abogado nga nagfile ha Internation Criminal Court (ICC) an naging aksyon ni Presidente Rodrigo Duterte ha pagwithdraw han gobyerno han Pilipinas tikang ha Rome Statute.
Ha eksklusibo nga pakikipaghimangraw han Bombo Radyo Tacloban kan Atty. Jude Sabio, abogado han daw miyembro han Davao Death Squad o “DDS” nga hi Edgar Matobato, nga natigdaan hira ha naging desisyon han Presidente nga pagkalas ha ICC.
Dugang pa hini nga maikokonsidera nga suspicious o urusahon an mao nga pitad labi na nga an presidente mismo an ginkasuhan ngan hiya pa an nagwithdraw.
Nagawas nga baga baga hin guilty an pangulo ha mga kaso ngan alegasyon nga iginbabatak ha iya partikular na an himangrawon bahin han extrajudicial killings.
Gintawag gihapon ni Atty. Sabio nga whimsical ngan diri lehitimo an naging aksyon ni Presidente Duterte.
“Nakakagulo kasi bigla niyang pinapawithdraw ang Pilipinas sa Rome Statute, siya na nga ‘yong kinasuhan siya pa ang magwiwithdraw. So, kaduda duda, nakakabigla, hindi siya base sa national interest kundi base lang sa interes ng isang tao, ni Presidente Duterte,” ani Atty. Sabio.
