TACLOBAN CITY – Kinahanglan nga igdasig han mga Pilipino hi Presidente Ferdinand R. Marcos Jr. ha iya madig-on nga mensahe ha ika-21 nga International Institute for Strategic Studies (IISS) Shangri-La Dialogue ha Singapore, sumala kan Speaker Ferdinand Martin G. Romualdez.
Ha iya pahayag, gintagan-duon ni Presidente Marcos an iya patapod nga depensahan an kada pulgada han teritoryo han Pilipinas tikang ha pananakop kadungan han pagduso han importansya han dayalogo ngan diplomasya ha pagresolba han mga dire pagkakasabot.
Gindayaw naman ni House Speaker Romualdez an pahayag han Presidente nga importante daw labi nga nagtitikapaso an tensyon ha West Philippine Sea durot han mga agresibo nga aksyon han China.
Utroo gihapon nga igin duon han Presidente an pagsunod han Pilipinas ha 1982 United Nations Convention on the Law of the Sea (UNCLOS) ngan 2016 Arbitral Award, nga nakilala ha maritime rights han Pilipinas ha West Philippine Sea.
Pira naman kabeses na nga igin duon ni Romualdez an bug-os nga suporta han Kamara de Representantes ha strategic initiatives ni Presidente Marcos Jr. para pakusgon national defense han nasud ngan tindugan an soberanya han Pilipinas agud maabat daw han kada Pilipinas an hatag han patrimonya.
