TACLOBAN CITY – Manilampuson nga gindumdom an ika-121st Balangiga Encounter kumo pagtigaman han engkwentro han mga Balangiganon ngan mga Amerikano nga sundalo nga nahitabo ha Balangiga, Eastern Samar.
Sumala kan Fe Campanero, Assistant Municipal Tourism Operation’s Officer, nagkakamay-ada hira hin re-enactment han mga panhitabo pinaagi han dance-drama kun diin amu gihapon ine an magigin hightlight han ira activity.
Mababaruan nga tuig-2017 han urhi nira nga pagbuhaton an re-enactment.
Waray naman mahidayun an ginpaplano nga re-enactment dida han tuig-2018 han pagbisita ni anay Presidente Rodrigo Duterte, kun diin dance-drama nala gihapon an ginbuhat.
Ine in mahitungod nga kun magre-enactment daw hira in mas dako pa nga pondo an ira magagastos rason para drance-drama nala an pagbuhaton.
Nagkamay-ada gihapon hin ‘float contest’ kun diin an tema hine in an nagin scenario han Balangiga Encounter.
Naki-usa naman ha mao nga aktibidades an mga bungto han Lawaan, Giporlos, ngan Quinapondan Eastern Samar.
