NATIONAL – Gintikangan na an pagsukol han robe nga susul-uton para ha nakatalaan nga impeachment trial kontra kan Vice President Sara Duterte, sumala kan Senador Alan Peter Cayetano.
Ginpahayag ni Cayetano nga ginpakianhan na hiya para magsukol han robe nga susul-uton para ha pagdungog.
Sumala kan Senate Secretary Renato Bantug, dida han nakalabay nga duha kasemana in naghata na hin go signal hi Senate President Francis “Chiz” Escudero nga makigbinuligay ha mga senador para ha pagsusukol han susul-uton nga robe ha impeachment trial.
Kolor maroon la gihapon an gagamiton nga kolor para ha robe han mga matindog nga senator-judge.
Kun anu daw an ginamit nga kolor han robe ha pagdungog kan anay Supreme Court Chief Justice Renato Corona in parehas la daw gihapon ha impeachment trial kan VP Sara.
Target han impeachment court nga tikangan ha Hulyo 30 an mismo nga trial kontra kan VP Sara.
