TACLOBAN CITY – Face to face na nga pagbubuhaton an tidaraon nga selebrasyon han ika-78 katuig hitun Leyte Gulf Landings.
Sumala kan Frances Ann Petilla, former Palo, Leyte Mayor ngan Leyte provincial government tourism consultant, mahuman an duha katuig nga hybrid an ginbubuhat nga pagtigaman han Leyte landing, in face to face na ini nga pagdudumaraon para han ika-78th katuig nga Leyte Gulf Landings yana nga maabot Oktubre 20, 2022 ha McArthur Park National Shrine, Palo, Leyte.
Dugang pa hiton mao nga opisyal, napagdesisyunan nira nga face to face na an pagsalin-urog agud makaghatag hin dungog han gallantry ngan bravery nga ginpakita han mga nagsakripisyo nga mga beterano agud magkamayda hin kagawasan an mga Pilipino dida han Giyera Modyal 2.
Magigin simple pero mahinungdanon an pagbubuhaton nga selebrasyon nga kun diin pag aatendiran ini han mga dignitaryo nga nagtikang ha iba-iba nga nasyon sugad han nasud Australia, Japan, Amerika ngan United Kingdom.
Ginlalauman gihapon nga maatinder hi Presidente Ferdinand Marcos Jr. nga gin imbitiran han executive commitee para magin guest speaker.
