TACLOBAN CITY – Mahimyang ngan nagin mahinungdanon an pagsalin-urog nga Semana Santa, ine in matungod na gihapon han pagkakaurusa han mga tinaglawas han Traffic Operations Management Enforcement and Control Office (TOMECO), ngan mga kapulisan magin an pira nga mga hintutuinan ha natabo nga pagdumdom han Semana Santa, labi na han Biyernes Santo nga damo an sumaka ha mga Calvary Hill kumo pagtigaman han Holy Week.
Sumala kan, Jobs Lagutan, Unit Commander Traffic Discipline Unit TOMECO, kutob han Sabado nga adlaw in mayda nakabantay nga mga TOMECO ha mga bukid aram-puan.
Dugang pa hine, may pipira mangud nga mga debot mangud an dire nakiki-dungan ha pagsaka hiton Biyernes Santo.
Nagin maupay naman an dalagan han trapiko matungod nga gutiay la an mga nagbiyahe, kun diin kadam-an ha mga deboto in waray gumamit han ira mga sarakyan matungod nga nakahigaraan na han mga ine nga magbaktas kun naabot an adlaw han pagsaka ha bukid o kun ha mga Calvary Hill.
