TACLOBAN CITY – Mas convenient ngan mas madali ha parte hiton Civil Service Commission ngan pati na gihapon an mga examiners nga nagpapa online registration para naman han Civil Service Exam.
Sumala kan Atty. Marilyn Taldo, Regional Director Civil Service Commission Regional Office 8, nga nakita daw nira an dako nga pinagkaiba hiton Online ngan an Face-to-face o walk in nga pagpaparegister para makag take han Civil Service Exam.
Dugang pa hini nga, diri na manggud mag iiha an magigin proseso tungod nga online naman ini nga diretso na naka encode ngan naka input an mga datos han examiner.
Ginpahibaro gihapon hini nga nagbibiling na hira hin pamaagi agud nga an usa nga examiner in pwede na makag take hin exam ha bisan diin nga dapit o parte han nasud ngan ma streamline iton mga proseso ngan gamiton hin sakto ngan maupay an teknolohiya.
Abre naman daw an ira buhatan ngan mga field offices ha bug-os nga rehiyon para mag asister ha mga nakukurian agud nga makapag file ini han ira registration.
Una na nga ginpasabot han CSC nga mag aabre an ira pangarawat hin aplikasyon para han August 2023 Civil Service Examination yana nga Mayo 22 han yana nga tuig.
