TACLOBAN CITY – Waray kapugngi han mga kapulisan nga kwestyunon an pagkawara han usa nga kandidato ha pagka- Kapitan ha Barangay Dalakit ha Catarman, Northern Samar pira kaadlaw ugsa an nakalabay nga eleksyon.
Una hini, guinkikilala an mao nga kandidato ha pagka-kapitan nga hi Ricardo Frigilliana nga usa nga incumbent kagawad ha mao nga barangay.
Guinmalatumat PCI Rafael Tayaban, hepe han Catarman Police Station nga nagpakita ha iya pamilya hi Frigillian mahuman an eleksyon kun diin guin storya hini nga guinpahimatngunan ini hin duha nga kalalakihan nga nakabonet mahitungod daw ha panhulga han iya kinabuhi nga dara han nakalabay nga piniliay.
Dugang pa ni PCI Tayapan nga diri hira kumbinsido ha guin istorya ni Frigilliana.
Una nga guinpahayag ni PCI Tayaban nga dida han nagreport an misis han nawawara ha nawawara nga mister, in nagbutang hira hin pulis ha panimalay ni Frigilliana kun diin naobserbaran nga waray daw pagkabaraka an pamilya hini.
Guinduon pa hini, nga imbes nga magbiling han nawawara nga kandidato, naging sagipo lugod an pamilya han nawawara nga kandidato ha pagpangampanya ha nakalabay nga eleksyon.
Guintutuuhan nga posible statehiya ini han mao nga kanidadto agud nga makakuha hin simpatiya ha publiko pero waray naman ini palara nga makadaog.
