TACLOBAN CITY- Guinkakasubo han pira na organization ha Sinirangan Bisayas mahuman na tawagon na terorista ni Presidente Rodrigo Roa Duterte an mga miyembro han New People’s Army ( NPA).
Sumala kan Mira Legion, Spokesperson han Anakbayan Sinirangan Bisayas na an naging pamahayag han presidente in posible na makag-aghat ha mga NPA na magbuhat lugod hin duro na kasamok ha sosyodad.
Guinduon pa ni Legion, na guinkakabaraka hini an panhulga han Duterte administration mahitungod na posible na madugangan pa an ihap han mga inosente na parag-uma na guinpapanmatay han mga NPA.
Samtang, guinpahayag guihapon hini na guinhahatagan gud hin importansya ni Presidente Duterte an mga kasundaluhan ngan maging an kapulisan kun diin tikang ha una hasta ha pagkayana in duro daw la nga nagkikitaraot an pagtratar han mga ini ha publiko pinagi ha pagtalapas ha katungod pantawo.
Ha luyo hini, guinduon naman ni Legion na an kapobrehan an pinakaugat ha mga pan-atake o kasamok na guinmumugna han pira na katawhan labis na adton mga nagrerebelde.
