TACLOBAN CITY- Padayon nga guin iimbestigaran han mga tinaglawas han Bureau of Fisheries and Aquatic Resources (BFAR) an dumagsa nga dako nga mga guitarfish nga may scientific name nga Rhynchobatus djiddensis o mas kilala nga “arado” ha Leyte.
Sumala kan Nelia Gabon-Tomayao, BFAR provincial office chief, nga dako pa nira nga pakiana kun kay ano ini nga klase han isda in mga patay na nga nagsasarang ha magkadirudilain nga kabaybayunan ha probinsya han Leyte.
Dugang pa han mao nga opisyal nga una nga nasipatan han pira nga parapangisda an maabot 10- feet nga isda nga arado ha Dulag, Leyte kun diin waray na ini kinabuhi ngan nawara na an iba nga parte han lawas hini partikular an dorsal fin.
Una hini, nasipatan guihapon an pareho nga klase hin isda ha Tanauan, Leyte dida la han nakalabay nga bulan.
Samtang, guinkakabaraka naman han International Union for Conservation of Nature an nagkikitaguti nga
population han isda nga arado nga kaudgan nga nag- uukoy ha 50 metros nga kahilarumon han kadagatan.
