TACLOBAN CITY – Iginkalipay han bug-os nga probinsya han Southern Leyte an naging deklarasyon han Philippine Drug Enforcement Agency Region 8 (PDEA 8) kumo pinakasyahan nga probinsya han Sinirangan Bisayas nga drug free.
Sumala kan Southern Leyte Governor Christopher Yap, nga ini dako nga bulig agud nga maparibhong an ekonomiya ngan turismo han ira probinsya ngan sugad man usa gihapon ini nga oportunidad para tumapod ha ira an publiko ngan mga investors.
Nagpasalamat naman an mao nga gobernador ha tanan nga LGUs, PNP, PDEA, publiko ngan tanan nga bumulig para makab-ot han probinsya han drug free status ngan nagpatapod nga bubuhaton nira an ngatanan para mamintenar ini.
Mahibabaruan nga mahuman an Batanes ngan Romblon, ikatulo an Southern Leyte nga probinsya ha bug-os nga Pilipinas nga gindeklara nga han PDEA nga drug cleared.
