TACLOBAN CITY — Ginkokonsidera han Philippine Drug Enforcement Agency Regional Office 8 nga dako nga ayat para ha ira an bago nga direktiba nga iginpalusad ni Presidente Rodrigo Duterte pinaagi han Executive Order nga an PDEA na an magiging lead agency ha kampanya ala kontra illegal nga droga.
Sumala kan Edgar Jubay, Regional Director han PDEA 8, ini in usa nga ayat ha ira labi na nga ha pagkayana in gutiay la an ira mga tawo pero kumpiyansa naman ini nga mahihimo la gihap han mga operatiba an ira tanan nga makakaya agud nga ma comply an iginpalusad nga kamanduan.
An kaparte han pamahayag ni Edgar Jubay, Regional Director han PDEA 8
Dugang pa hini nga mayda na hira mga provincial offices para ha mas epektibo nga operasyon kutob ha grassroots.
Ginklaro naman hini nga waray pagbabago ha mao nga kamanduan tungod nga basar ha balaod in hira man gud an nakapot ha kampanya may kalabutan ha illegal nga droga.
An dugang nga pamahayag ni Edgar Jubay, Regional Director han PDEA 8
Ha luyo hini, ginpahayag naman han mao nga opisyal nga abre ngan kinahanglan la gihapon nira hin bulig tikang ha mga kapulisan.
