TACLOBAN CITY – Aprubado na an paghitaas han pasahe han mga pampubliko nga sarakyan dinhe ha rehiyon 8.
Sumala kan Veronica Reposar, Transportation Development Officer II han Land Transportation Franchising and Regulatory Board (LTFRB-8), igpapatuman ha syahan nga semana hiton bulan han Oktubre an balaud ha paghitaas hiton pasahe.
Manbubutang naman hin bag-o nga fare matrix ha sulod hiton pampubliko nga sarakyan ugsa ine igpatuman para maaram an publiko.
An nasabi nga fare increase in dire la ha syudad hiton Tacloban, ngan ha rehiyon-8 matungod nga igpapatuman ine nationwide.
Kinahanglan daw gihap nga ighatag la gihapon adton 20% discount ngadto han mga studyante, persons with disabilities (PWDs), ngan pregnant women.
Gindugang gihap ni Reposar nga dire gin-tutugot an overloading han pasaheros ha mga sarakyan.
