TACLOBAN CITY – Gin-uran hin magkadurudilain nga reaksyon an diri pag-atubang han bag-o nga Department of Environment and Natural Resources Secretary Roy Cimatu ha iya pagbisita ha Rehiyon otso.
Una hini han igpa-news block out ha media ha Eastern Visayas an pagbisita han mao nga gabinete.
Labot hini in pwersahay gihapon nga ginpagawas an mga media personnel ha sakob han mao nga ahensya.
Balak unta nga kahimangrawun han media ha Eastern Visayas an mao nga opisyal subay ha ginbabatak nga isyu ha daw pakipaghimangraw hini ha Hinatuan Mining Corporation o an ginbabawal nga Minahan ha Manicani, Eastern Samar.
Ha pakaghimangraw han Bombo Radyo Tacloban kay DENR 8 Assistant Regional Director Carlito Tuballa nga diri daw ini maaram bahin han pagbisita han mao nga opisyal ha rehiyon.
Padayun naman an pakipagsumpayan han Bombo Radyo Tacloban ha mao nga opisyal.
Mababaruan nga utro nga humangyo ha DENR an Hinatuan Mining Corporation nga utro ini ini makapag-operate han ira pagmimina ha mao nga lugar.
