TACLOBAN CITY – Ginpaangbit han pira nga mga negosyante han syudad, nga dire dako an magigin epekto han utro nga pagduduso han pagbalikk han pagsusul-ot han face mask.
Sumala kan Hon. Colai Go, Information Officer Tacloban Filipino Chinese Chamber of Commerce and Industry / Chairman Brgy. 41 Tac City, ine nga utro nga pagduso han pagsusul-ot han face mask in magigin normal nala para ha mga indibidwal, matungod nga kutob yana in mayda la gihapon nagsusul-ot hin face mask, kumo pangontra ha polusyon ngan iba pa nga mga sakit.
Dugang pa hine, nga nahigaraan naman gud han kada indibidwal an pagsusul-ot han face mask kada an mga ine nga magawas ha ira mga panimalay ha duwa katuig nga pagpabilin han COVID-19 ha kalibungan.
Ha lain nga bahin, naglalaom naman ine nga madamo an ira mga kostumer ha tiarabot nga semana kun diin magkakamayda hin prestihiyoso nga paisan-isan an rehiyon ine in an EVRAA Meet 2023, ngan dako an posibilidad nga makaka-kuhida an mga negosyante han syudad hin mas durudako nga income.
