NATIONAL NEWS – Target nga makompleto an pag-aram ha posible nga umento ha sweldo han mga empleyado han gobyerno ha katapusan han Hunyo han presente nga tuig subay ha Department of Budget and Management (DBM).
Ha pagkayana, ginpipinalisa na han Compensation and Benefits Study an salary adjustments para ha mga empleyado han gobyerno.
Subay ha DBM, mahugot nga gin aadman an magkaduru-dialin nga aspeto han presente nga compensation system kaupod an mga sweldo, mga benepisyo, ngan allowances para matudlok an mga kinahanglan.
An magigin resulta gihapon han pag-aram in an magigin basaranan para himuon an kinahanglan nga mga pagbabag-o ha Total Compensation Framework han civilian government personnel para masigurado an patas ngan napapanahon nga salary adjustment para ha mga empleyado han gobyerno.
