NATIONAL-Ginmando ni Pangulong Ferdinand Marcos Jr. an pagpagawas hin kabugosan nga P321-M nga pondo para ha 34 nga probinsya ngan 8 ka siyudad nga naapektohan han Bagyong Basyang ngan han Shear Line.
An direktiba in ginpadara kan Executive Secretary Ralph G. Recto, mnnga ginsiguro an abtik nga pagpapagawas hin pinansyal nga bulig ha mga apektado nga local nga pangobyernuhan (LGU).
Sumala ha Pangulo, an mga naglabay nga nagdurot an panahon hin mahaluag nga pagpaibakwit, ngan pagkamatay hin dire maubos ha 12 katawo, sumala ha Office of Civil Defense, ngan grabe nga danyos ha mga imprastruktura.
Ginmalatumat ni Recto nga gagamiton an pondo para ha rehabilitasyon han mga naruba nga istraktura ngan pagbulig ha mga residente nga nawarayan hin panimalay.
Ginpaangbit ine han inisyatibo han Presidente agud nga igpadagmit an pag-rekober han mga komunidad tikang ha kalamidad.
Kalakip ha mga makakakarawat hin bulig kay an mga probinsya ha Mindanao kalakip an Surigao del Sur, Surigao del Norte, Dinagat Islands, Agusan del Norte, Agusan del Sur, Misamis Oriental, Misamis Occidental, Lanao del Norte, Davao de Oro, Davao del Norte, Bukidnon, Camiguin, ngan Zamboanga del Norte.
Visayas: Negros Oriental, Negros Occidental, Bohol, Capiz, Aklan, Leyte, Cebu, Iloilo, Eastern Samar, Southern Leyte, Antique, Siquijor, Samar, ngan Northern Samar.
Luzon: Catanduanes, Camarines Sur, Sorsogon, Masbate, Camarines Norte, Occidental Mindoro, ngan Oriental Mindoro.
An 8 ka siyudad naman nga makakakarawat hin ayuda kay an Iligan, Cagayan de Oro, Bacolod, Butuan, Cebu City, Zamboanga City, Iloilo City, ngan Mandaue City.
Labot la ha pondo, in ginpamando gihapon ni PBBM an mahaluag nga river clearing operations ngan mgha pitad ha flood mitigation agud nga malikayan an utro nga pagbaha ha sunod.
Kadungan hine, ginpangunahan gihapon han Pangulo an pagpirma ha usa nga Memorandum of Agreement (MOA) ha aprte han Department of Education ngan mga provincial LGU para ha mas mahaluag nga classroom building program ha bug-os nga nasud.
