TACLOBAN CITY – Ginpapamulat pa hapagakyana an gin-hahangyo nga pondo han National Housing Authority para ha pagtindog hin mga pabahay ha Abuyog ngan Baybay Leyte para ha mga biktima han landslide han nakalabay nga bagyo Agaton.
Sumala kan Constancio Antenyero Regional Manager han National Housing Authority Regional Office-8, an National Housing Authority an nakatuka nga mag implementar han mga pabahay para han mga lugar nga nadistruso han anay naglabay nga bagyo kun diin waray pa umabot an pondo nga maabot P178 milyon.
Subay han mao nga opisyal, maabot 299 an mga beneficiaries han nasabi nga housing projects ngan ha pagkayana in waray pa na iimplementar mahitungod han kakulangan han pondo.
Nakipagsumpayan naman an mao nga buhatan han LGU han Abuyog ngan Baybay, Leyte para han preliminary documents samtang ginhuhulat an pagdownload han kwarta ha NHA para ha pag implementar han mao nga programa.
