TACLOBAN CITY- Nakatalaan na undangon an operasyon han Binahaan Tibak River Irrigation System ha masunod na bulan han Abril.
Ini an guinkumpirma ni Engineer Heidee Dimpal pinaagi ha pakipaghimangraw han Bombo Radyo Tacloban.
Sumala kan Engineer Dimpal nga nakatalaan na siradhan an operasyon han mao na sistema hin irigasyon tikang Abril 1 hasta Mayo 15 mahitungod na kinahanglan ini na igpailaom hin paghingayad an mga pasilidad.
Dugang pa hini na an mao na pitad in kaparte han parangandaman para ha masunod liwat na cropping season.
Guinklaro naman ni Dimpal na diri ini makakaaepekto ha mga pananom na kahumayan han mga parag-uma mahitungod nga tikang pa dida han nakalabay na semana, in nagtikang na an pagpanbari.
An naging pamahayag ni Engineer Heidee Dimpal- OIC han Binahaan Tibak River Irrigation System
Samtang, guinpahibaro liwat ni Dimpal na kaparte an mga parag-uma ha pagmintinar han mga drainage canal basi na guihapon han guin-abuyunan na kasuratan ha butnga han mga kooperatiba han mga parag-uma ngan sugad man han National Irrigation Commission.
