TACLOBAN CITY – Mas ginpakurukusog pa han Civil Defense Eastern Visayas an pag reresponde ha mga kalamidad pinaagi han pagdugang han mga emergency response fleet nga gagamitun han ahensya.
Sumala ha ahensya in an kadugangan nga mga mobility and response assets in nagbubuhat hin kritikal nga buruhaton ha operason durante hin kalamidad.
Kalakip han mga bag-o nga gamit in an backloader, skid loader, 2 nga units han 1000cc motorcycle, 3 units han water tanker ngan 2 ka units han 4×4 pickup nga sarakyan.
Yakan ni OCD8 Regional Director Lord Byron Torrecarion nga panuyo manggud nira nga mas magin relevant an ahensya ha mga stakeholders ha nga tanan nga butang.
“Most of the time, we are compared to an umbrella. We are only known during extreme weather conditions and often forgotten in fair weather. But let us not be umbrellas; rather, let us be pillars of resilience. Let us make significance to the lives of our stakeholders by showing how we can provide assistance to them beyond what is mandated of us.” yakan ni Torrecarion.
Dugang pa hini nga an mga bago nga mga gamit in makakabulig nga mapadagmit an pagresponde ha mga apektado nga lugar sugad han paghahawan han mga debris ngan pagdadara hin kadagmitan nga mga supplies ngan malimpyo nga tubig.
Panuyo daw hini nga magin madagmit ngan mas epektibo nga pangandaman para han pagresponde ngan kadagmitan nga recovery operation sano o kahuman mahitabo an insidente o kalamidad.
