TACLOBAN CITY – Nagpahinumdom an buhatan hiton National Telecommunications Commission NTC Regional Office 8, ha publiko nga magparehistro na han ira mga sim card agud nga dire ine ma de-activate ha nakatalaan nga deadline yana nga Abril 26,2023.
Sumala kan Willie Zaballa, Regional Director han NationalTelecommunications Commission NTC Regional Office 8, nga hapagkayana naglilibot an ira buhatan agud nga maghatag him serbisyo pinaagi hiton pag asister ha pag rehistro han mga Sim Card.
Subay pa hiton mao nga opisyal, nga kakulop nga adlaw in nakadto an ira mga tinaglawas ha Covered court han Sta.Rita ngan Basey Samar.
Dugang pa ni Zaballa, ha masunod naman nga mga adlaw in mapakadto naman an ira buhatan ha Catbalogan, Calbiga ngan Pinabacdao Samar.
Hapagkayana, mayda na sobra 9,000 nga ihap an ira narehistro para han mga kinada barangay ngan bungto, sugadman munisipalidad nga ira ginbibisita, gawas la ine han mga nagrehistro online.
Padayon naman nga nanawagan an nasabi nga opisyal ha publiko, nga mag rehistro na agud nga dire magkamayda hin problema ha pag abot han nakatalaan nga deadline.
