TACLOBAN CITY- Guin-aghat han kasundaluhan an mga miyembro han New People’s Army ( NPA) na makiusa han pagdonar hin dugo pinaagi han Dugong Bombo na proyekto han Bombo Radyo Philippines.
Sumala kan Sargeant Cesario Makilan han 87 Infantry Battalion nga dako na bulig an pagdonar han dugo mahitungod nga nakakagsalbar ini hin kinabuhi labis na hadton mga nanginginahanglan nga may maraot na kondisyon ha panlawas.
Dugang pa han mao nga opisyal nga mapasalamaton ini mahitungod nga guin-imbitar hira han Bombo Radyo na makiusa han aktibidad kun diin nag-aghat ini ha bisan hin-o na tawo na makiusa ha pagdonar hin dugo.
Samtang, ha lain na bahin lakip guihapon ha magdodonar hin dugo an Rotary Club of Cancabato na guinpanguluhan ni Ricky Chua kun diin dako an pasalamat hini mahitungod nga guin -imbita an ira organisasyon agud makapagpadangat hin bulig ha mga nakinahanglan hin dugo.
Mababaruan nga an Dugong Bombo in usa nga kinada tuig nga aktibidad kun diin simultaneous nationwide nga guinbubuhat ha 24 nga mga syudad han nasud Pilipinas agud makaghatag hin supesyente nga dugo ngan makagtalwas hin kinabui.
