TACLOBAN CITY– Nagplaplano yana an lokal nga pangobyernohan hiton Palo nga magkaada ngan maghimo hin Night Market palibot han Palo Public Market.
Sumala kan Palo, Leyte Mayor Remedios Petilla nga iya ginpaayad an atrium ngan an wet market section han merkado publiko agud nga magin mas mahusay pa ini ngan magin andam ha pag abre han Night Market.
Mababaruan, an merkado publiko han Palo in naiiba ha iba pa nga mga merkado mahitungod nga ini in mayda elevator, mayda mini-park ngan mayda stage ha butnga ngan ha sulod han merkado.
Waray paman iginpasabot ni Petilla kun sano an target nga matikangan an Night Market, pero iginpasabot hini nga ira gihapon plano nga butangan hin mga kaunan ha ligid han merkado ngan mga lingkuran agud nga mapwestuhan han mga katawhan.
