TACLOBAN CITY- Guinklaro han pamunuan han Calbayog City ha Samar na diri apektado an sektor han negosyo ha luyo han mga natatabo na panmatay ha mao na syudad.
Sumala kan Calbayog Mayor Ronald Aquino na bisan damo an nahipatik na panmatay hin mga barangay opisyal, supporter o bisan ordinaryo na tawo in guinkakalipay naman hini na waray umubos an ekonomiya ha nasasakupan hini na lugar mahitungod nga nagpapabilin la guihapon an mga negosyante ha kada tagsa na pwesto.
Dugang pa hini na mas nagtitikakusog pa lugod an economic activities han syudad ha pagkayana.
An kaparte han pamahayag ni Mayor Ronald Aquino han Calbayog City
Manunumduman nga una na guin angkon han mao na alkalde na damo an dumangop ha iya na barangay opisyal ngan nagpasabot ha pagbil-iw han mga ini ha pwesto mahitungod han kahadlok na bangin sunod na biktimahon an mga ini hin panmatay.
Samtang, guinduon naman han mao na opisyal na waray gud gamit an guinmugna na task force CAGASMAS ha ira lugar mahitungod nga may natatabo la guihapon na mga panmatay ngan waray pa makumpirma kun hin-o an nagpapaluyo ha pagbuhat han krimen.
