TACLOBAN CITY- Padayon na guinkakasubo han Department of Education Regional Office 8 an pagkamatay han usa na delegado ha kahuhuman pala na Eastern Visayas Regional Athletic Association (EVRAA) Meet 2018 na guindumara ha syudad han Calbayog ha probinsya han Samar.
May kalabutan hini, guinmalatumat ni Police Superintendent Joel Alamo, hepe han Calbayog PNP na an namatay na delagado in guinkilala kan Juanito Cabonce, 48 anyos an pangidaron, principal han Libertad Elementary School ha syudad han Ormoc.
Dugang pa ni Alamo na basi ha guinbuhat na eksaminasyon han doktor, in cardiac arrest an hinungdaan han kamatayon han mao na principal.
Guinpahayag guihapon ni Alamo na ugsa pa namatay an mao na delagado han EVRAA, in nahiuna nga namatay an usa nga bisita nga nagkita la han EVRAA samtang nga naka check-in ini ha “Samar Hotel”.
Guinkilala an mao nga namatay kan Ananias Sarco Dalupan, 65 anyos an pangidaron ngan residente han Barangay Cogon, Ormoc City ha probinsya han Leyte.
An kaparte han pamahayag ni Police Superintendent Joel Alamo, hepe han Calbayog PNP
Mababaruan na ha kaluyo han naangkon na kadaugan han delegasyon han Ormoc ha mao na kompetisyon in waray malikayi han mga ini na mahaluan an kalipay hin kasubo mahitungod han waray laumi na pagkamatay ha ira upod na principal.
