LOKAL- Ginturn over na ha Community Environment and Natural Resources Office ( CENRO ) an mga narekupo nga illegal lumbers hirani ha baybayon han Brgy. Suom Daram, Samar.
Sumala kan Police Chief Inspector Romelito Sorila han Daram PNP, usa nga informant an nagreport ha ira nga maya-ada daw gindidiskarga nga mga kahoy ha mao nga lugar samtang nagdudumara an ira team hin seaborne operation.
an pamahayag ni Police Chief Inspector Romelito Sorila han Daram PNP
Basar ha ira inisyal nga imbestigasyon, gin-order daw han usa nga NGO an mga kahoy ngan igdedeliver kunta hadto mismo nga adlaw. Waray naman naipakita nga kaangayan nga dokumento an mga suspek rason nga gindakop nira ini ngan ginkumpiskar an mga tinirus nga kahoy.
an kadugangan nga pamahayag ni Police Chief Inspector Romelito Sorila han Daram PNP
Dugang pa ni Police Chief Inspector Sorila nga paghihimuon daw nga baloto an mga narekupo nga good lumber kaparte ha ginduduso nga livelihood project han nasabi nga NGO.
an kadugangan nga pamahayag ni Police Chief Inspector Romelito Sorila han Daram PNP
Durante han operasyon nadakop an mga suspek nga hira Leopoldo Abarracoso Pacaol , 63 anyos ngan Romeo Nablo Pacaol, 40 anyos ngan pareho residente han Barangay Osmeña Hinabangan, Samar .
Ha pagkayana in aada na ha kostudiya han Daram Municipal Police Station an mga suspek mahuman igpailarom ha proper disposition.
