NATIONAL – Ginduduso han Maritime Industry Authority (MARINA) an Shipbuilding and Ship Repair (SBSR) Development Bill para himuon nga mas moderno ngan competitive an paghimo ngan pagpaupay han mga barko han nasud.
Ine in ha kaluyo nga nanguna an nasud ha suplay han seafarers ngan ika-upat nga pinakadako nga shipbuilder ha kalibutan, nga mayda 66% han 408 shipyards an kinahanglan nga ayuson ngan 95% dinhi in kinahanglan hin repair.
Sumala ka Maritime Industry Authority (MARINA) Administrator Sonia Malaluan, panuyo han balaodnon nga padagmiton an pagkuha hin permits, himuon nga mas magin madagmit an access ha pondo para ha shipyard upgrades, ngan maghatagag hin fiscal incentives sugad han VAT exemption, income tax holiday, ngan tax credits.
Kasumpay hine, ginsigurado gihapon han ahensya nga mayda hira ginsusunod nga international standard agud nga masigurado nga waray malain nga epekto ha kalibungan an nasabi nga operasyon.
Padayon gihapon an ira pakikipag-sumpayan ha Department of Environment and Natural Resources ngan Department of Energy.
