TACLOBAN CITY– Samaran an usa ga minor de-edad mahuman ine nga mahulog ha usa nga amusement ride ha Brgy. Bonoy, Matag-ob, Leyte.
Ginkilala an biktima nga alyas “Abby” residente han Matag-ob, Leyte.
Sumala kan PMaj. Jay Zamora,Chief of Police Matag-ob Municipal Police Station, subay ha ira gindumara nga imbestigasyon, purluminos 20 nga pasaheros an sakay han usa nga rides nga gintatawag nga “Balangay,” .
Gintutuohan nga bumigay an pangunahon nga suporta han istruktura mahuman nga mautod an usa nga
welding joint o support beam, na nagin rason han pagkarusdak han bug-os nga rides.
Dayon naman nga rumesponde an mga tinaglawas han MDRRMO ngan dayon nga gindara ha Rural Health Unit (RHU) han Matag-oban biktima ngan dayon liwat nga ginbalhin ha OSPA Hospital ha Ormoc City, ngan yana in ada na ha maupay nga sitwasyon.
Ha pagkayana, padayon an gindudumara nga imbestigasyon han Matag-ob MPS agud nga matudlok an hinungdan han panhitabo.
