TACLOBAN CITY – Nakaandam na ha paggamit an mga playing venues ngan mga billeting areas nga gagamiton para hiton pagdudumaraon nga EVRAA Meet 2023 yana nga semana.
Sumala kan Dr. Ronelo Al Firmo, Assistant Regional Director hiton Department of Education Regional Office Vlll, basar ha ira panginano han mga eskwelahan ngan mga lugar nga gagamiton para han mga mulay in nakaandam na an mga ine.
Padayun naman daw gihapon an pagkaabot han mga delegasyon han magkaduru-dilain nga mga eskwelahan ngadto naman han mga billeting schools nga naka-assign ha ira.
Samtang, ginpahayag gihapon han mao nga opisyal nga nagkamay-ada hin pagbabag-o ha nagin schedule kun diin pagbubuhaton yana nga adlaw an an pira nga mga mulay ngan buwas naman hiton kulop, Abril 25, in pabubuhaton an opening program.
Maabot gihapon ha sobra 5,000 nga delegasyon an kabug-usan nga maabot para ha EVRAA Meet 2023.
