TACLOBAN CITY – Mayda makakarawat nga insentibo o kompensasyon an mga players han Ormoc delegation kun makadaog an mga ine ha EVRAA Meet 2023.
Sumala kan Jstel Martinez hiton Sports Management Team han Ormoc City Delagation, dire la an mga players an makakakarawat hin incentives kundi hasta gihapon an mga coaches han mga ine.
Dugang pa hine, an paghahatag hin insentibo ha mga players han ira delegation kun nagdadaog an mga ine in maiha na nira nga praktis ngan usa daw ine nga pahalipay ngadto han mga players ngan coaches para han ira paningkamot nga makadaog ha mga mulay.
Labot han kwarta nga nakakarawat han mga ine in mayda gihapon ginhahatag nga allowance para ha mga players ngan sugadman sapatos, uniforms, ngan iba pa nga mga panginahanglan han mga ine.
